للمره المليون أم الزوج وزوجه ابنها

**محمدmohmed** · 12-24-2013, 11:51 AM

كلنا بنعرف علاقه الحماه (( ام الزوج )) بزوجه ابنها

والعلاقه المتوتره بينهما غالبا كطرفي المقص

المهم قرات في احدي المنتديات ان ام الخطيب تقول لخطيبه ابنها

(( لو اغضبتيني سأضربك بالقلم علي وجهك )) -- المهم ان الفتاه اتصلت بخطيبها

علي الفور وقالت له (( انسي الموضوع --كل شئ قسمه ونصيب ))

هذه واحده -- اريد ان اعرف رأيكم فيها --فهل تسرعت الفتاه وخصوصا ان خطيبها

لا زال يتصل بها كالمجنون ليعرف السبب وهل تتراجع الفتاه عن موقفها ما دام خطيبها يحبها

النقطه الثانيه -- هو هذا الرد من احدي العضوات علي موضوع هذه الفتاه و اريد ان اعرف

رأيكم في هذا الرد ايضا من العضوه علي الفتاه صاحبه الموضوع

واليكم الرد وهل هو يوضح فعلا العلاقه بين الحماه وخطيبه او زوجه ابنها

(( من اول ما تتزوج البنت بيصير يتفلسف انتي اخدتيه من امو (ع اساس هو اخدك من الشارع ), طيب ما هو اخدك من امك وابوكي وبيتك ويمكن يوم ما تركتي بيتك واتزوجتي امك وابوكي بكو عليكي وع تركك البيت .
ليش المجتمع بيركز ع نقطة واحدة انك اخدتيه من امو وهي اللي ربت وتعبت وعلمت عفوا يعني احنا ما اتربينا وكبرنا واتعلمنا ليش لما ام الزوجة بتتدخل الكل بيعترض وبيقول هاي رح تخرب بيت بنتها, بس ام الزوج لما تتدخل الكل بيعطيها الضوء الاخضر وانو لازم انتي اتسايريها ويلا عديلها ومش مشكلة .
المشكلة مش مشكلة حماوات ولا مشكلة مين اخد مين المشكلة مشكلة مجتمعنا اللي اعطى الحق لام الزوج انها تتدخل واعطاها الحق انها حتى لو كانت سيئة لازم نتحملها لدرجة بعض الحماوات بتقولها صراحة (حتى لو انا غلطت يفترض ما ينردش في وجهي ). لا يا امي لو غلطتي في مرات ابنك طبيعي انها رح اترد لانها ببساطة بني ادمة والبنت بترد حتى على امها حتى ع ابوها لوحست بالظلم .
انتي يا امي ابنك بيضل عندك وكمان بتجيكي بنت جاهزة اتربت واتعلمت وبتيجي سند لزوجها وبتوقف معو وبتساندو وبتوقف مع حماتها وبتساندها ,الزوجة لو امها مرضت وراحت المستشفى يمكن ما تلحق تعرف انو امها مريضة بسبب انشغالها ببيتها اللي هو بيت ابنك , زوجة ابنك هيا امتداد لعيلتك انتي .هي اللي رح اتخلف واولادها رح ايشيلو اسم ابوهم اللي هوا ابنك .
انا مش شايفة اي سبب للعداء المسبق بين الام والزوجة انا ما بنكر انو بعض الزوجات ممكن بيقصرو بحق حماواتهم بس ليش كل ما ام اتزوج ابنها بتفترض اي حركة من االزوجة على انها حركة مؤامرة وانها جاية ع خطة انها تاخدو منك ,يا حبيبتي مرات ابنك بنت زي اي بنت كانت بتدرس وعندها عيلة وبعدين اتخطبت واتجوزت والله مش متخرجة كلية خربان بيوت ولا مشتغلة مع السي اي ايه ان بعض الظن اثم .
يا امي لكل ست صارت حماة او رح اتصير بالمستقبل اتقو الله في بنات الناس اللي بتجيبوهم كزوجات لاولادكم بالوقت اللي انتي بتظلمي بنت الناس انتي بالواقع بتظلمي ابنك وبتذليه وبتصغريه في عين مراتو .
لما تكسبي مرت ابنك انتي بطريقة غير مباشرة بتكسبي ابنك لانو الابن مردودو لبيتو ولمراتو حتى لو كان في بينه وبينها خلاف مصيرو راجع الها والعمر الو دور ربنا يطول باعمار امهاتنا انتي لو عشتيله عشرين سنة هي حتعيشله اربعين (الاعمار بيد الله طبعا )خليهم بكرة بس ايكونو قاعدين ع الاكل وابنك ايقول ربنا يرحمك با امي الكل يرفع ايديه وايقول امين من كل قلبهم .
بالختام انا ما بدعي لثورة ضد الحماوات انا بحاول اوضح انو الوضع اللي احنا فيه وخربان البيوت اللي بيصير يستاهل انو انوقف شوي ونفكر مين الو حق عند مين وكيف بنقدر انوافق بين حق الزوجة وحق الحماة , الحل بسيط حماتك هيا حماتك والها عليكي حقوق بس هيا مش امك يعني عفوا لما توصل لحد اهانة الكرامة والازى وخربان البيوت لا لازم وقتها ينحط حدود. ام زوجك هيا امو وحقها واجب عليه وازا رح تربط برها باذلالك حينها لا طاعة لمخلوق في معصية الخالق لانو الله ما بيقبل الظلم (لبعض الازواج اللي بيذلو زوجاتهم في سبيل رضا امهاتهم) وربنا ايهدي امورك جميعا امين