المحقق كوناناثارة .. تشويق .. تحليل .. استنتاج ..
الانمي من تأليف /Gosho Aoyama
نوعه /Tv/series
الشخصيات /Chacters
سيــنــشــي Shinichi Kudo
ماشفناه غير حلقة وحدة بس ..
طالب ثانوية , مشغوف بشارلك هولمز , ومتحري عندهم باليابان اسمه كونان ..
معروف عند الجميع انه متحري ,ويساعد الشرطة دائما في حل القضايا الصعبة , ودائما تكون القتل
ذكاءه خارق ,واستنتاجاته عجيبة , ودائما يكشف حتى اصعب الجرائم ..
حتى انك في بعض الحلقات ماتقدر تستنتج القاتل .. او تنصدم بشخصية هي القاتلة ..
.سينشي ..
راح في يوم من الايام مع صديقته ران ( بنتكلم عنها ) لمدينة الالعاب (ملاهي )..
حصلت جريمة قتل واكتشفها وحل اللغز وسجنوا القاتلة ..
موهنا المشكلة ..
الموضوع انه بنفس ذاك اليوم كانت فيه عصابة يبتزون ..موظف /رجل اعمال ..ماادري ..اللي ادري عنه انهم ذالينه بشريط يثبت رشوته ..
سينشي شك بالموضوع واتبع المجرمين وشاف واقعة سلم واستلم ..
فجأة وهو يتفرج جاك اللي ضربه على راسه ..
وقال مابقى الا هي !! احنا مو اي عصابة عشان تسوي نفسك متحري علينا .. وامسكوه واسقوه سم جديد .. سووه تجربة عليه ..
وهالمحلول خلى سينشي ..
يصير بزر ..والبزر هو انت ياكونان ..
ران/ Ran Mori
صديقة الطفولة لسينشي ..تحبه .. وهو بعد ..بس مابعد اعترفوا لبعض ..
طبعا في سبيس تون وغيرها هي خطيبته مو صديقته ..
المهم البنت هذي ..تدرس بالثانوية مع سينشي ..وتروح وتجي معه للمدرسة << تكفين ..
بنت راعية كراتية .. ورغم انها حلوة وكيوت ..الا انها لاعصبت ..الله يعين ..
8
8
مالقيت له صور زينة
توغو موري/Togo Mori
ابو ران .. وعم سينشي مستقبلا ..
واحد مصدق انه متحري ..ويحل القضايا اللي تجيه ..
بس زعل من سينشي وقال انه صار يحل القضايا ولا يخليني استرزق ..
المهم هو واحد عصبي , همه اكله ونفسه والنساء << انتبهتوا للنساء ..
بنته مسؤولة اكثر منه وماتحب تصرفاته ..
كــونان / Conan
هو نفسه سينشي ..بس وهو صغير ..
يبي ينتقم من العصابة اللي كانوا السبب بحالته ..
والحل انه يجلس في مكتب توغو موري ..عمه ..عشانه مكتب تحري ..
والا ماتجيه قضية للعصابة طرف فيها ..
طبعا هو ساكن مع خطيبته وابوها .. وكم مرة بغت تكشفه ران ..
لانها تحسه نفس نظرات سينشي وافكاره ..
بس هو دايم يستهبل عشان مايعرفونه ..
دكتور اقاسا /Dr.Agasa
الاخ هذا صديق ابو سينشي ..وجارهم بعد ..سينشي يوم تقلص جسمه .. مالقى غيره يروح له ..
وقال له شوف لك حل !! طبعا قال مااقدر اسوي لك شي ..
لين اعرف المحلول نفسه واسوي مضاد له ..
لكن الحل بعطيك ملابس بزر صغير واداة تغير فيها صوتك وقضينا ..
اصدقاء كونان/ البزران
Ayumi
Genta
Mitsuhico
ماكان اول معبرهم .. ويوم صغر لازم يروح معهم المدرسة..
ويلعب معهم كورة ..ويروح رحلاتهم الماصلة بعد ماكانت رحلات ثانوية ووناسة ..
مافيهم شي يستحق الذكر غير ان البنت خاقة على كونان ..وكونان ..
هذا مايستاهل نحطه من بين الـmain characters ..
بس وش نسوي بكل حلقة يجي
هذا الشرطة حقتهم ..وكل ماصارت قضية جوا ..ماعندهم سالفة ..
يختارون المجرم بسبب الاشياء الظاهرة بس..واول مايجي كونان ..
يطلع ان ماعندهم سالفة ..
الاحـــــداث ..
طبعا انا قلت كل شي بالشخصيات ..
مدري ليه حتى في اختباراتي دايم بالشخصيات اكتب كل القصة ..
الزبدة .. ان كونان راح بيت ران وابوها ..ويمشونه .. ويأكلونه ويشربونه ..ويقدر يخلي سرعته مضاعفة ..
لان الدكتور اقاسا ..كذب عليهم ..وقال اهتموا فيه لين يرجع ابوه ..
ران حبته مرة وحنونة معه ..ودته المدرسة ..وتذاكرله
وهو خطيبها عاد.. يعني ماضاع مجهودها بلاش ..
وكل يوم يروح كونان معهم ران وابوها ..ويحلون قضية قتل .. طبعا الابو ما عنده سالفة ..
فاخترع دكتور اقاسا لكونان ساعة يطلق منها اسهم ..على عمه ..مايصير له شي بس يتخدر ..
ويتكي في مكان ..
ويبدا كونان يتكلم بصوته وييقول منهو القاتل ..ووشلون اكتشفه..
طبعا يتكلم بصوت توغو موري ..
من خلال الكرفته حقته ..عن طريقها يقدر يخلي صوته يصيرنفس صوت عمه بالضبط ..
وبنفس الكرفته .. يتكلم بصوت سينشي ..
ويتصل على ران ويقول تراي مشغول مااقدر اجيكم
وهو عندها في البيت ..
وتفرح باتصاله تقول اشوى مانساني ( ماعندكم وجه يصيح بقوة )
وبعد الدكتور اخترع له شوز وانتم بكرامة ..
هالشوز يقدر يشوت فيه الكورة بقوووووة عجيبة
كانها شوتة عبدالله جمعان << برا لو سمحتي ..
ومن قضية لقضية .. كونان يثبت مهاراته وقدرته العجيبة على الاستنتاج ..
وعلى امل انه يكبر ويرجع مثل ماكان ..