يا عيني هدا الموضوع يجيب في الغائبين من ............... أماكنهم ....؟...... الله الله مغناطيس ربي يبارك
يا عيني هدا الموضوع يجيب في الغائبين من ............... أماكنهم ....؟...... الله الله مغناطيس ربي يبارك
اهلا بيكم يا ناسي وحبابي . ياك راكم بخير . متسقسيو ما تقولو وين راحت المخلوقة . واحد ما وصلني وجابلي الياغورت ولا الجو ولا التفاح ولا الفراز . قاعدين ناسيني واقيلا معليش دوك الموضوع هذا نقنبلو هههه . أمييير وين راهو البارت تاع الرواية راني مهلتك الوقت لكنت فيه مريضة . أو دوك تحطو بلا راسك ^&^
شايخة بيا يا محاينك . روميساء سي فري راهي تاكل ومتخممش في لي وراها حسبتها غير هي لهكاك ساع دخلتي معاها في الليست . أكتيفيا مركة قديمة رنون زادولها غير رمز + باه تولي بلوس زعماك تصفي المصارن ههههه لافاج سبيسيال . ياك شفتي مدة الصلاحية لانو راني نتأثر بهادو لحوايج . لكان لقيت مزالو شهر باه يموت (ربي يرحمو) راني ندفنو ديراكت في فم روميسا هههه . انا مناكلوش لانو راك تعرفي عندي الحساسية
روميسا حطتلي الملح في القاطو هههه قلتلها راك محطيتيش رشة راكي حطيتي رشاش كلاشينكوف --- ماشي في محلها الكلمة هادي علبالي المهم شكارة تع ثلثلاف وخمسميا ههه دارت نصها . تشوفي الملح هداك علبالي مباعد يوليلي ضغط الدم وعلبالي وين نفرغو ههههه
قلتلها كون شريتيلي بيدون تاع ماء كي جبتيلي القاطو باه نعقب بيه .
والماكلة كي نشوفها تاكل ديرلي التخمة (كون تسمعني وش قلت عليها ديفغوريلي وجهي ) . واي واحد ياكل قدامي نشوفو نشبع قول قاعد ياكل وماكلتو تهبط لعندي في ليستوماك هههه . وهداك ليقول راني معنديش الشهية وكي نشوف عبد ياكل قدامي نحب ناكل. بالمعنى هداك راهو يا اما يكذب ولا تأثر بالبيبليسيتي
علبالي نحكي بزاف ههههه . المرض والكسل راهم قانونا حفظ الطاقة
ومعادلتهم كالاتي
ملل +كسل ×مرض÷فشلة #دوخة -هبال= x
xعندو زوج حلول يا اما
x1=نشاط مستمر ( قيمة مرفوضة. وجاميك تصرالك )
x2=نشاط مؤقت ( قيمة مثالية . وتصرالك ديما ومدتها حوالي نصف ساعة ولكان طولت لساعة ولا الساعتين تولي بصماطة )يعني لغسلت الماعن في نصف ساعة الاولى راهي مليحة تخلي الكوزينة من وراها كيما تاع الاوروب ولا كيما تاع الاشهارات . واذا سيقت في الساعة لممبعد البس البشماق ولا سباط و البس اي حاجة لحماية الرأس و المناطق الحساسة والتي تتعرض لضرب . ولكان ولات لالة تخدم بصماطة بعد التسياق تلقى بلاسة ممسوحة وبلاسة فيها مستنقع كون تنسى عليه شوي تلقا الضفادع يجيو يكومبيو لعندك الفاكنس وبلاسة ممسوحة بصح مكان مكان . ومباعد كشما هدرة النشافة قديمة هههههه
ياخاااااا نتوما متحشموش قعدة نتاع دزيريين وانا لست موجودة خسارة خسارة عليكم مقدرتوش مامبا تبعتولي انفيتاسيو ههههههههههههه
شفتي خلات صومام و بنينة و رايحة تجيبلي في أكتيفيا
بهدلت بيا . لشوف هكا يقول فيروز راهي في حالة مع مصارنها (حقيقة كاينة منها . بصح المرضة تاعي لفوتها اليامات هادوك كارثة على حكاية المصارن ) المهم خليونا
فكرت في مشروع لعيد الأضحى القادم كي جابتلي رنون أكتيفيا
قلت وش رايكم نوكلو الكباش تاعنا أكتيفيا ياك هو يغسل المصارن دوك مليحة كي نخرجوهم ابري الذبيحة نشلوهم خفافي برك بالماء (اصلا راهم منكهين بالياغورت)
لكل فتاة جزآئرية تستغرق أكثر من ساعة ونصف في غسل المصارين تستعمل أكتي بلوس مسهل عملية الهضم و افضل من الايزيس لغسل امعاء الكبش . مراكيش رايحة تندمي آنستي جربي وشوفي النتيجة في دقيقة رايحة تخلصي عليك ^_^
واش يا جزائرين ما عجبتكمش اكتيفا وانتم ليلي تهدروا انا على الاقل جبتلها حاجة انتم ماجبتوا والوا زيد تهدروا فيروز معليهش
المرة الجاي كي تمرضي ( بيعيد الشر) راح نجبلك احسن
هلا هلا كيف حالكم ان شاء الله بخير
لقد مللت هل هناك اي اقتراح لازيح هذا الملل عني