❤ يا حسراه عليك يا الدنيا ❤

[❤مـلـكـة الـجـمـال❤]

يا حسراه عليك يا الدنيا فيك حكاية وحكايات
ساميني وقعدي حدايا واحكيهم لي بثبات
علاش هكذا حاقدة وسمية ظلي تبدلي في الصفات
تعذبي فيا غير بشوية عييت من عذابك براكات
تلعبي بيا والا معايا جاوبيني علاش هاذ السكات
قالوا لي عليك مسرحية وانا المسرح سكن لي في الذات
التذكيرة خلصتها غالية ديت معايا شي وردات
دخلت للقاعة صفقوا علي طلع ستار والضو طفات
لقيت روحي في تمثيلية والديكور خوف ودعات
طمعتيني ودرتي علي عندي جدي بالصحبات
...................
شحال من سلطان كان في دنيا جيوش الامر وطيعات
مال وعز قصور وسرايا العسة عليه بالالوفات
غفل غفلة تقلبت الحية فليلتو مالقى وين يبات
وكلتي فلان عسل وفاكية وفلان شمختي لو الفتات
فلا قلعتي لو الذرية وحياتو من الفرحة خوات
فلان طلق مرتو المسكية زعف كي جابت لو البنات
.....................
المسجون يرجى الحرية بالدقيقة يحسب لوقات
الشهار يحلم بالشهرية يا حليلو مولا وليدات
كبدة لميمة مشوية على واش سهرت واش ربات
على وليدها بدل الجنسية عجبو زين الروميات
خلى يماه وحدانية من الحرقة والبكا تعمات
باش يبين الرجولية بعث لها زوج محرمات
.......................
نها كانت الدنيا دنيا الوالدين علقوا لهم شيعات
اليوم الوالدين راهي مرمية في مراكز الشيخوخات
انتي دنيا يدك زهرية انا يدي فيه الكيات
مع الواقف درتي جمعية سماها دخلات وخرجات
القليل بعثتي لو خطية جا يصلي تلفت لو الصلاة
كي سلم انسى التحية وكي تحى نسا زوج ركعات
...............
المال فاني والعظام راشية فاتت جناس وتمحات
اللي كان تاقي ودار النية طاع ربي وشد في الصلاة
درجته في الجنة عالية صفة الجنة درجات
والشاقي يمضي النهاية ذاتو بالنار تكسات
جلدة رايحة وجلدة جاية يظل يبدل في الجلدات
نصيحتي نتركها التالية باش نختم بيها لبيات
..................
دعوة الوالدين رسمية منهم الشر والخيرات
الهنا كنز والصحة غالية والباقي كله كذوبات
ياسين ارسلها تحية وامنضى فيها بشي دمعات
بعثها كما مسعودي برية قراها قيتار وألات
والصلاة على نور عينيا سيد الخلق يا سدات
شكون اللي نجا منك يا دينا غير اللي طلقك بالثلاث

[جمال الروح ™]

جميل انه فن من فنون اخراج الشعور

[هارلہٰيٰ الہٰمجنونة★]

​ذكرتيني بلأغنية انها حقا جميلة

[جزائري حررر]

صحا فطورك مستر كمال مسعودي

[™ ▕ ذُ ـــو العَـــــــــــيـــــنْ]

ونعم بالله يا رندة

[❤مـلـكـة الـجـمـال❤]

جميل انه فن من فنون اخراج الشعور

ههههه ^^

[❤مـلـكـة الـجـمـال❤]

​ذكرتيني بلأغنية انها حقا جميلة

اذا هذه كلمات اغنية لم اكن اعلم

[❤مـلـكـة الـجـمـال❤]

صحا فطورك مستر كمال مسعودي

و شكون هادا مستر كمال مسعودي =="

[جزائري حررر]

لي كتب القنية

[محبة نادية الابدية]

كلمة جميلة يا رندة
من اين اتيتي بها
لا تقولي لي فقط بانكي صرتي شاعرة وانا لم اكن اعرف==

[هارلہٰيٰ الہٰمجنونة★]

و شكون هادا مستر كمال مسعودي =="

هههههههههه انه صاحب الأغنية الاتعرفيه انه مشهور في الجزائر

[s.o.u.n.d.o.u.s]

ههههههههههههه ابدعت غاليتي هههههههههههه

[xàxمرمر تشآان àxx]

انها انها انها تحفة تحفة

[Ǧ̩̥ọ̥ƨô̲̣̣̥]

إنه بلغتنا إبداع

[❤مـلـكـة الـجـمـال❤]

ونعم بالله يا رندة

اجل الحمد لله
لكن هي ليست لي اعجبتني فاردت مشاركتكم بها ^^

[❤مـلـكـة الـجـمـال❤]

لي كتب القنية

اه شكرا لم اكن اعلم ههههه لا تنادني باسمه اسمي رندة

[❤مـلـكـة الـجـمـال❤]

كلمة جميلة يا رندة
من اين اتيتي بها
لا تقولي لي فقط بانكي صرتي شاعرة وانا لم اكن اعرف==

ههههه لا ليست لي وجدتها فشاركتكم بها ^^

[❤مـلـكـة الـجـمـال❤]

هههههههههه انه صاحب الأغنية الاتعرفيه انه مشهور في الجزائر

ههههه لا لا اتابع اغاني و لا افقه بالفن كما يسمونه ههههه

[❤مـلـكـة الـجـمـال❤]

ههههههههههههه ابدعت غاليتي هههههههههههه

هي ليست لي انها اغنية كما يقولون

[❤مـلـكـة الـجـمـال❤]

انها انها انها تحفة تحفة

ههههه شكرا انت اتحف منها ^^